Sommaren 2025 fekk me i oppdrag å utvikla ei åttemanns badstove for Oslo Badstuforening på Sukkerbiten. Løysinga er dimensjonert for best mogleg löyly med heva golv i saunarommet, slik at sitjenivået ligg over omnen og tett på den varme luftstraumen. Benkane er parallelle for auke moglegheita for interaksjon med brukarane. Fyringa skjer frå utsida, noko som reduserer varmetap ved vedpåfylling og held lufta i rommet reinare.

Bygget er kompakt og introvert, med avgrensa glasfelt for kontrollert lys og låg energilekkasje. Fasaden er i norsk alfuru frå Bø i Telemark som vil elda med ei jamn sølvgrå patina. Det bøygde taket i aluminium er valt for enkel avrenning og drift, men spelar ei tilbaketrekt rolle i uttrykket. Til saman gjev prinsippa for varme, ventilasjon og materialbruk ei nøktern badstove som prioriterer varmeflyt, funksjon og god driftspraksis.